ວິຊາການສົ່ງເສີມສຸຂະພາບ ແລະ ໂພຊະນາການ

ຮັບສະໝັກເພື່ອນຮ່ວມງານ

ວິຊາການສົ່ງເສີມສຸຂະພາບ ແລະ ໂພຊະນາການ ປະຈຳຢູ່ຫ້ອງການ ເມືອງໝອກ ແຂວງຊຽງຂວາງ

ອົງການພັດທະນາ ແລະ ບັນເທົາທຸກ (ADRA) ປະຈໍາ ສປປ ລາວ ແມ່ນອົງການຈັດຕັ້ງສາກົນທີ່ບໍ່ສັງກັດລັດຖະບານ ມີເຄືອຂ່າຍຢູ່ຫຼາຍກ່ວາ 120 ປະເທດທົ່ວໂລກ. ນັບ​ຕັ້ງແຕ່ໄດ້ຮັບອະຍາດດໍາເນີນງານໃນ​ປີ 1992 ​ເປັນ​ຕົ້ນ​ມາ, ອົງການ ADRA ປະຈໍາ ສປປ ລາວ ​ໄດ້​ເຄື່ອນໄຫວຈັດຕັ້ງປະຕິບັດໂຄງການຊ່ວຍລ້າຫຼາຍກວ່າ 150 ​ໂຄງການ ​ກວມເອົາ 13 ແຂວງທົ່ວປະເທດ, ໂດຍສຸມໃສ່ ການປັບປຸງຊີວິດການເປັນຢູ່ ແລະ ການສົ່ງເສີມກະສິກຳ, ສຸຂະພາບ ແລະ ການຫຼຸດຜ່ອນການປ່ຽນແປງດິນຟ້າອາກາດ. ນອກຈາກນີ້ ອົງການ ADRA ປະຈໍາ ສປປ ລາວ ໄດ້ໃຫ້ການຊ່ວຍເຫຼືອດ້ານການຄຸ້ມຄອງໄພພິບັດ ໂດຍອີງໃສ່ການສະໜັບສະໜູນ ແລະ ຮ່ວມມືຢ່າງໃກ້ຊິດກັບອຳນາດການປົກຄອງທ້ອງຖິ່ນ.

ນອກຈາກຜູ້ໃຫ້ທຶນອື່ນໆແລ້ວ ໃນປະຈຸບັນ ອົງການ ADRA ປະຈໍາ ສປປ ລາວ ໄດ້ຮັບທຶນເພື່ອຈັດຕັ້ງປະຕິບັດໂຄງການສົ່ງເສີມສຸຂະພາບ ແລະ ໂພຊະນາການແບບເຊື່ອມສານເມືອງໝອກ (INHIM) ຈາກ Canadian Foodgrains Bank ແລະ ອົງການ ADRA Canada ເພື່ອແກ້ໄຂບັນຫາການຂາດໂພຊະນາການຜ່ານການຮ່ວມມືກັບຫຼາຍຂະແໜງການ ແລະ ການຈັດຕັ້ງປະຕິບັດມາດຕະການທາງກົງ-ທາງອ້ອມ ຕິດພັນກັບການສົ່ງເສີມບົດບາດຍິງຊາຍ ແລະ ການມີສ່ວນຮ່ວມ ເພື່ອສົ່ງເສີມໃຫ້ສຸຂະພາບ ແລະ ໂພຊະນາການຂອງກຸ່ມເປົ້າໝາຍດີຂຶ້ນ ໂດຍສະເພາະແມ່ນແມ່ຍິງໄວຈະເລີນພັນ, ເດັກລຸ່ມ 05 ປີ ແລະ ໄວໜຸ່ມ ໃນ 20 ບ້ານເປົ້າໝາຍຂອງເມືອງໝອກ, ແຂວງຊຽງຂວາງ.

ເພື່ອຈັດຕັ້ງປະຕິບັດໂຄງການດັ່ງກ່າວນີ້ໃຫ້ບັນລຸຜົນ ອົງການ ADRA ປະຈໍາ ສປປ ລາວ ກຳລັງຊອກຫາບຸກຄົນທີ່ມີຄວາມຕັ້ງໃຈ ແລະ ມີຄຸນສົມບັດທີ່ເໝາະສົມ ເພື່ອເຂົ້າຮ່ວມທີມຂອງພວກເຮົາໃນຕໍາແໜ່ງ ວິຊາການສົ່ງເສີມສຸຂະພາບ ແລະ ໂພຊະນາການ ປະຈຳຢູ່ຫ້ອງການ ເມືອງໝອກ ແຂວງຊຽງຂວາງ

ວິຊາການສົ່ງເສີມສຸຂະພາບ ແລະ ໂພຊະນາການ ຈະຕ້ອງປະຕິບັດໜ້າທີ່່ ທາງດ້ານເທັກນິກ ແລະ ການບໍລິຫານໄດ້ຫລາຍຢ່າງ ລວມທັງການດຳເນີນປະຕິບັດ ແລະ ປະສານງານທາງດ້ານກິດຈະກຳດ້ານສຸຂະພາບ ແລະ ໂພສະນາການຂອງໂຄງການ INHIM, ຄູ່ຮ່ວມງານ ແລະ ກ່ຽວພັນກັບລັດຖະບານ,​ ບົດລາຍງານໂຄງການ, ເຄືອຂ່າຍ, ແລະ ການ​ຕິດ​ຕາມ​ ແລະ​ ການ​ປະ​ເມີນ​ຜົນ​.

ເກນການຄັດເລືອກ

• ຈົບປະລິນຍາຕີໃນດ້ານສຸກຂະພາບ, ພັດທະນາຊຸມຊົນ ແລະ ຊົນນະບົດ ຫລື ສາຂາທີ່ກ່ຽວຂ້ອງກັບໜ້າວຽກ
• ສະແດງໃຫ້ເຫັນເຖິງປະສົບການຢ່າງເປັນມືອາຊີບຢ່າງໜ້ອຍ 3 ປີ ໃນການເຮັດວຽກຮ່ວມກັບອົງການຈັດຕັ້ງສາກົນ ໃນການນຳໃຊ້ຄວາມຊຳນິຊຳນານທາງດ້ານວິຊາການ ແລະ ທັກສະຄວາມຮູ້ທາງດ້ານສຸກຂະພາບ
• ສະແດງໃຫ້ເຫັນປະສົບການເຮັດວຽກຮ່ວມກັບພາກລັດ ແລະ ຄູ່ຮ່ວມງານຫຼາຍຝ່າຍ ໃນການລະດົມ ແລະ ຈັດຕັ້ງປະຕິບັດກິດຈະກໍາໂຄງການ ພ້ອມທັງມີຄວາມເຂົ້າໃຈລະບົບສາທະລະນະສຸກໃນ ສປປ ລາວ, ລະບຽບການຕ່າງໆ, ເຂົ້າໃຈນະໂຍບາຍຂອງລັດ ແລະ ວິທີການຈັດຕັ້ງປະຕິບັດຕ່າງໆ ແລະ ແນວທາງການມີສ່ວນຮ່ວມໃນການພັດທະນາຊົນນະບົດ
• ສາມາດເຮັດວຽກແບບອິດສະຫຼະໄດ້,​ ຮູ້ຈັກວາງແຜນ, ຈັດບຸລິມະສິດ, ແກ້ໄຂບັນຫາ ແລະ ຕັດສິນໃຈໄດ້ດີ.
• ສະແດງໃຫ້ເຫັນທັດສະນະຄະຕິທີດີ, ມີມະນຸດສຳພັນ ລະຫວ່າງບຸກຄົນ ແລະ ທັກສະໃນການສື່ສານທີ່ດີເລີດ; ສາມາດເວົ້າພາສາລາວ ໄດ້ຄ່ອງແຄ້ວ, ພາສາຂະມຸ, ພາສາມົ້ງ ແລະ ພາສາອັງກິດ ແມ່ນຈະໄດ້ຮັບການພິຈາລະນາພິເສດ
• ມີຄວາມຮູ້ໃນການນຳໃຊ້ ໂປຣແກຣມ ໄມໂຄຼຊອບ ອອບຟິສ

ເອກະສານສະໝັກ:

• ຈົດໝາຍສະໝັກວຽກ ໂດຍອະທິບາຍລະອຽດວ່າຕົນບັນລຸເງື່ອນໄຂຂ້າງເທິງແນວໃດ ພ້ອມທັງແຮງຈູງໃຈ ຕໍ່ຕຳແໜ່ງດັ່ງກ່າວ.
• ຊີວະປະຫວັດຫຼ້າສຸດ ພ້ອມທັງລະບຸຜູ້ອ້າງອີງທີ່ເຊື່ອຖືໄດ້ 3 ທ່ານ.
• ໃບຢັ້ງຢືນຕ່າງໆ ແລະ ເອກະສານອື່ນໆທີ່ກ່ຽວຂ້ອງ.

ສະໝັກຜ່ານລິ້ງ:

https://forms.gle/qxGpwLEGfT1wecCj8

ປິດຮັບສະໝັກ ວັນສຸກ ທີ່ 3 ມັງກອນ 2025.
ອາດຣາ ສະໜັບສະໜຸນໃຫ້ແມ່ຍິງ, ຄົນພິການ ແລະ ຄົນຊົນເຜົ່າທີ່ມີຄຸນສົມບັດເໝາະສົມ ແລະ ມີປະສົບການເຂົ້າມາສະໝັກ.
ຜູ້ສະໝັກທີ່ສາມາດສື່ສານພາສາອັງກິດໄດ້ແມ່ນຈະດີຫຼາຍ ແຕ່ຜູ້ສະໝັກທີ່ສາມາດສື່ສານໄດ້ແຕ່ພາສາລາວກໍ່ອາດຈະຜ່ານການຄັດເລືອກໄດ້ເຊັ່ນກັນ. ສະເພາະຜູ້ສະໝັກທີ່ຖືກຄັດເລືອກຈະຖືກຕິດຕໍ່ເພື່ອສໍາພາດ.