ຜູ້ຊ່ວຍບໍລິຫານ-ການເງິນ ປະຈຳພາກສະໜາມ ແຂວງ

ປະກາດຮັບສະໝັກພະນັກງານ

ຜູ້ຊ່ວຍບໍລິຫານ–ການເງິນ ປະຈຳພາກສະໜາມ ແຂວງຊຽງຂວາງ

ອົງການພັດທະນາ ແລະ ບັນເທົາທຸກ (ອາດຣາ) ເປັນອົງການຊ່ວຍເຫຼືອທີ່ບໍ່ຂຶ້ນກັບລັດຖະບານ ມີເຄືອຄ່າຍຢູ່ຫຼາຍກວ່າ 115 ປະເທດທົ່ວໂລກ.​ ໃນນາມອົງການຈັດຕັ້ງສາກົນ ອົງການ ອາດຣາ ປະຈໍາ ສປປ ລາວ ໄດ້ເຄື່ອນໄຫວໃຫ້ການຊ່ວຍເຫຼືອຊຸມຊົນຜູ້ທີ່ດ້ອຍໂອກາດໃນຫຼາຍຂະແໜງການ ເຊ່ັນ: ຊີວິດການເປັນຢູ່, ກະສິກໍາ, ສາທາລະນະສຸກ ແລະ ການຫຼຸດຜ່ອນຜົນກະທົບຂອງການປ່ຽນແປງດິນຟ້າອາກາດ. ນອກຈາກນີ້ ອົງການ ອາດຣາ ຍັງໃຫ້ການຊ່ວຍເຫຼືອບັນເທົາທຸກກໍລະນີເກີດໄພພິບັດ ໂດຍຮ່ວມມືກັບເຄື່ອຄ່າຍອົງການ ອາດຣາ ສາກົນ ແລະ ອໍານາດການປົກຄອງທ້ອງຖິ່ນໃນ ສປປ ລາວ. ນັບຕັ້ງແຕ່ປີ 1992 ເປັນຕົ້ນມາ ອົງການ ອາດຣາ ປະຈໍາ ສປປ ລາວ ໄດ້ຈັດຕັ້ງປະຕິບັດໂຄງການຫຼາຍກວ່າ 150 ໂຄງການ ເຊິ່ງກວມເອົາ 13 ແຂວງ.

ຕໍາແໜ່ງຮັບສະໝັກ:

ຕໍາແໜ່ງທີ່ຮັບສະໝັກແມ່ນ ຜູ້ຊ່ວຍບໍລິຫານ/ການເງິນ ປະຈໍາຢູ່ໂຄງການ ເມືອງໝອກ, ແຂວງຊຽງຂວາງ ໂດຍໄດ້ຮັບທຶນຈາກ Canadian Foodgrains Bank. ເປົ້າໝາຍຂອງໂຄງການແມ່ນປັບປຸງໂພຊະນາການ, ສຸຂະພາບ ແລະ ຄວາມເປັນຢູ່ຂອງຊຸມຊົນເປົ້າໝາຍໃນເມືອງໝອກ, ແຂວງຊຽງຂວາງ.

ຄວາມຮັບຜິດຊອບລວມ:

ຜູ້ຊ່ວຍບໍລິຫານ/ການເງິນແມ່ນຮັບຜິດຊອບວຽກການເງິນ-ບໍລິຫານ, ຊ່ວຍເຫຼືອທີມງານໂຄງການ ເພື່ອໃຫ້ກິດຈະກໍາໂຄງການມີຄຸນນະພາບສູງ  ແລະ ເຮັດວຽກຢ່າງມີປະສິດທິຜົນກັບຄູ່ຮ່ວມງານທັງພາຍໃນລະພາຍນອກ.

ໜ້າວຽກລວມ:

• ຊ່ວຍວຽກບໍລິຫານ–ການເງິນຂອງໂຄງການ ເພື່ອໃຫ້ການຄຸ້ມຄອງໂຄງການມີປະສິດທິພາບ ໂດຍສອດຄ່ອງກັບນະໂຍບາຍ ແລະ ລະບຽບຂອງອົງການ–ຜູ້ໃຫ້ທຶນ
• ຮັກສາຫ້ອງການໃຫ້ມີຄວາມສະອາດ–ປອດໄພຢູ່ສະເໝີ
• ປະຕິບັດໜ້າທີ່ຕາມການມອບໝາຍຂອງຫ້ອງການ ອາດຣາ ວຽກຈັນ
• ປະສານງານຢ່າງມີປະສິດທິພາບກັບທີມງານໂຄງການ, ຄູ່ຮ່ວມງານ ແລະ ຜູ້ໄດ້ຮັບຜົນປະໂຫຍດ

ເງື່ອນໄຂຮັບສະໝັກ:

• ປະລິຍາຕີສາຂາບັນຊີ ຫຼື ບໍລິຫານທຸລະກິດ
• ມີປະສົບການເຮັດວຽກຢ່າງໜ້ອຍ 3 ປີ ໃນຕໍາແໜ່ງຜູ້ຊ່ວຍການເງິນ, ບັນຊີ ແລະ ບໍລິຫານ ກັບອົງການພັດທະນາສາກົນຕ່າງໆ
• ມີຄວາມຊຳນານດ້ານເທັກນິກ ແລະ ມີປະສົບການໃນການນຳໃຊ້ software ບັນຊີ ແລະ ຄຸ້ນເຄີຍກັບການກວດສອບບັນຊີ
• ມີມະນຸດສຳພັນດີ ແລະ ສາມາດສື່ສານໄດ້ດີ ແລະ ມີຄວາມຫ້າວຫັນໃນການຮັບໃຊ້ວຽກງານ
• ມີຄວາມຊື່ສັດສູງ ຍຶດຖືຫຼັກຄຸນນະທຳ ແລະ ເຮັດວຽກເປັນທີມໄດ້ດີ
• ມີຄວາມຊໍາຊານໃນການນຳໃຊ້ໂປໄມໂຄຼຊອບ ອອບຟິສ (Microsoft Office Software programs) ໂດຍສະເພາະ Excel
• ມັກຮຽນຮູ້ ແລະ ພັດທະນາຕົນເອງ

ໝາຍເຫດ: ທາງອົງການຈະຕິດຕໍ່ຫາຜູ້ທີ່ໄດ້ຮັບຄັດເລືອກສໍາພາດເທົ່ານັ້ນ.

ຂັ້ນຕອນການສະໝັກ

ສົ່ງເອກະສານສະໝັກຜ່ານ:  https://forms.gle/Y6r5BsGFY1AeYRUX6

ສອບຖາມຂໍ້ມູນເພີ່ມເຕີມຕິດຕໍ່ hr@adralaos.org ຫຼື ໂທ/WA 020 22788299.

ຄຳຮ້ອງຄວນປະກອບມີ:

• ຈົດໝາຍສະໝັກວຽກ (Cover Letter) ພ້ອມອະທິບາຍວ່າ ທ່ານໄດ້ບັນລຸເງື່ອນໄຂຂ້າງເທິງແນວໃດ.
• ປະຫວັດ (Resume/CV) ພ້ອມທັງລະບຸຂໍ້ມູນຕິດຕໍ່ຜູ້ຢັ້ງຢືນ (Referees) 3 ທ່ານ.
• ໃບປະກາດ, ໃບຢັ້ງຢືນ ແລະ ອື່ນໆ.

ປິດຮັບຄໍາຮ້ອງ 14 ພະຈິກ 2025. ຜູ້ສະໝັກຍິງ, ຄົນພິການ ແລະ ຊົນເຜົ່າທີ່ມີຄຸນສົມບັດ ແລະ ປະສົບການເໝາະສົມ ຈະໄດ້ຮັບພິຈາລະນາພິເສດ.