ເຈົ້າໜ້າທີ່ອາວຸໂສດ້ານການສື່ສານ

ປະກາດຮັບສະໝັກງານ – ຕໍາແໜ່ງສຳລັບຄົນລາວ

ອົງການ ຊ່ວຍເຫຼືອລ້າ ຂອງ ປະຊາຊົນນ໋ອກແວ (ເອັນພີເອ) ແມ່ນໂຄງການເກັບກູ້ລະເບີດເພື່ອມະນຸດສະທຳ ທີ່ບໍ່ສັງກັດລັດຖະບານ ສະໜັບສະໜູນວຽກງານເກັບກູ້ລະເບີດທີ່ບໍ່ທັນແຕກ ແລະ ພັດທະນາຄວາມອາດສາມາດໃນຫຼາຍໆປະເທດ. ອົງການ ເອັນພີເອ ໄດ້ດໍາເນີນວຽກງານເກັບກູ້ລະເບີດບົມບີ່ ແລະ ລະເບີດອື່ນໆໃນ ສປປ ລາວ ນັບແຕ່ປີ 1997. ອົງການ ເອັນພີເອ ປະຈໍາລາວ ພາຍໃຕ້ການຄຸ້ມຄອງຂອງ ຄະນະກໍາມະການຄຸ້ມຄອງແຫ່ງຊາດ ເພື່ອການແກ້ໄຂບັນຫາລະເບີດບໍ່ທັນແຕກຕົກຄ້າງ ຢູ່ ສປປ ລາວ (ຄຊກລ) ແລະ ກໍາລັງປະຕິບັດງານຢູ່ໃນ 4 ແຂວງພາກໃຕ້ ລວມມີແຂວງຈໍາປາສັກ, ສາລະວັນ, ເຊກອງ ແລະ ອັດຕະປື. ອົງການ ເອັນພີເອ ປະຈໍາ ລາວ ມີພະນັກງານຫຼາຍກວ່າ 800 ຄົນ ແລະ ໄດ້ຮັບທຶນສະໜັບສະໝູນຈາກ ກະຊວງການຕ່າງປະເທດສະຫະລັດອາເມລິກາ ແລະ ກະຊວງການຕ່າງປະເທດນອກແວ. ປະຈຸບັນ ອົງການ ເອັນພີເອ ປະຈຳລາວ ມີຄວາມຕ້ອງການຮັບສະໝັກງານເອົາພະນັກງານທີ່ມີຄຸນນະວຸດ, ມີຄວາມກະຕືລືລົ້ນ, ມີປະສົບການ ແລະ ມີຄວາມຫ້າວຫັນ ເພື່ອເຂົ້າເຮັດວຽກໃນຕຳແໜ່ງລຸ່ມນີ້:

1. ເຈົ້າໜ້າທີ່ອາວຸໂສດ້ານການສື່ສານ: ຈຳນວນ 01 ຕໍາແໜ່ງ, ປະຈໍາການຢູ່ ແຂວງຈໍາປາສັກ, ໜ້າວຽກແມ່ນມີການເດີນທາງໄປ-ມາທົ່ວແຂວງ 04 ພາກໃຕ້ ແລະ ນະຄອນຫຼວງວຽງຂັນ.

ໜ້າທີ່ທີ່ຈໍາເປັນ ໂດຍພື້ນຖານ:

• ຈຸດປະສົງຂອງເຈົ້າໜ້າທີ່ອາວຸໂສດ້ານການສື່ສານ (SCO) ແມ່ນເພື່ອເຮັດວຽກຮ່ວມກັບ ຜູ້ປະສານງານ ດ້ານ ການສື່ສານ (CC) ເພື່ອສ້າງເນື້ອຫາພາບ ແລະ ວີດີໂອ ໃຫ້ແກ່ໂຄງການເກັບກູ້ລະເບີດບໍ່ທັນແຕກ ເພື່ອມະນຸດ ສະທຳຂອງ ເອັນພີເອ ແຫ່ງ ສປປ ລາວ.
• SCO ຈະຮັບໜ້າທີ່ໃນການສ້າງ ແລະ ພັດທະນາການຖ່າຍຮູບ, ການຖ່າຍວີດີໂອ ທີ່ມີຄຸນນະພາບສູງ, ທັງໂດຍ ການອອກແບບ, ແລະ ການຕັດຕໍ່ວີດີໂອ ເພື່ອສະໜັບສະໜູນເປົ້າໝາຍການສື່ສານຂອງ ເອັນພີເອ ແຫ່ງ ສປປ ລາວ ແລະ ເພີ່ມພູນການເບິ່ງເຫັນ.
• ໜ້າທີ່ຂອງຜູ້ຮັບຜິດຊອບຕຳແໜ່ງນີ້ີ ແມ່ນຈະໄດ້ເຮັດວຽກຮ່ວມກັນກັບຜູ້ປະສານງານດ້ານການສື່ສານ ເພື່ອສ້າງ ຜະລິດຕະພັນ ແລະ ສື່ການສື່ສານທີ່ມີສ່ວນຮ່ວມທັງດຶງດູດ ແລະ ເຕັມໄປດ້ວຍຂໍ້ມູນສຳູຄັນ ແກ່ຜູ້ໃຫ້ທຶນຂອງ ອົງການເອັນພີເອ, ສໍານັກງານໃຫຍ່, ຄູ່ຮ່ວມງານລັດຖະບານລາວ, ຂະແໜງການ ລບຕ, ອົງການທີ່ບໍ່ສັງກັດລັດ ຖະບານ ແລະ ປະຊາຊົນທົ່ວໄປ. ຕຳແໜ່ງນີ້ຈະລວມມີການສັັນສ້າງເນື້ອຫາ ແລະ ສື່ມວນຊົນຕ່າງໆ ທີ່ຢູ່ໃນຮູບ ແບບຂອງສິ່ງພິມ, ເນື້ອຫາເທິງເວັບໄຊ້, ສື່ສັງຄົມອອນລາຍ, ແລະ/ຫຼື ວີດີໂອ.
• SCO ຈະລາຍງານຕໍ່ CC, ແລະ ປະຈຳຢູ່ຫ້ອງການ ປາກເຊ, ພ້ອມໂອກາດໃນການເດີນທາງໄປ ຮ່ວມງານຢູ່ ຫ້ອງການ ເອັນພີເອ ປະຈຳນະຄອນຫຼວງ, ບັນດາຫ້ອງການສະໜາມ ແລະ ພື້ນທີ່ປະຕິບັດງານການສຳຫຼວດ ແລະ ກວດກູ້ ລບຕ ໃນແຂວງພາກໃຕ້ຂອງ ສປປ ລາວ (ອັດຕະປື, ຈຳປາສັກ, ສາລະວັນ, ແລະ ເຊກອງ). SCO ຈະຮັບຜິດຊອບດ້ານການປະສານງານກັບ ເຈົ້າໜ້າທີ່ຝ່າຍປະຕິບັດານຂອງ ເອັນພີເອ ເພື່ອຮວບຮວມເອົາ ຂໍ້ມູນຈາກການປະຕິບັດງານ, ຜົນກະທົບເຊິງບວກຈາກໂຄງການ, ແລະ ຈາກບັນດາຜູ້ທີ່ໄດ້ຮັບຜົນປະໂຫຍດ.

ຄວາມຮັບຜິດຊອບໂດຍລວມ:

• ເຮັດວຽກຮ່ວມກັບຜູ້ປະສານງານດ້ານການສື່ສານ (CC) ເພື່ອສັນສ້າງເນື້ອຫາພາບ ແລະ ວີດີໂອ ເພື່ອເສີມສ້າງ ແລະ ຊຸກຍູ້ກິດຈະກຳ ແລະ ວຽກງານດ້ານການສື່ສານຂອງ ເອັນພີເອ ແຫ່ງ ສປປ ລາວ, ພ້ອມທັງຮັບຮອງ ຄວາມສອດຄ່ອງກັບແຜນຍຸດທະສາດ ແລະ ຈຸດປະສົງຂອງໂຄງການ ແລະ ອົງກອນ.

ໜ້າທີ່ຮັບຜິດຊອບສະເພາະ:

• ຖ່າຍຮູບ ແລະ ວີດີໂອທີ່ມີຄຸນນະພາບສູງ ບັນທຶກບັນດາການປະຕິບັດວຽກງານສຳຫຼວດ ແລະ ເກັບກູ້ ລບຕ ຂອງເອັນພີເອ ແຫ່ງ ສປປ ລາວ, ເຊິ່ງປະກອບມີກິດຈະກຳຂອງໂຄງການ, ເລື່ອງລາວຂອງຜູ້ທີ່ໄດ້ຮັບຜົນ ປະໂຫຍດ, ວຽກງານດຳເນີນການຕ່າງໆ, ການພັດທະນາຂີດຄວາມສາມາດ, ການເຝິກອົບຮົມ, ອື່ນໆ.
• ພັດທະນາ ແລະ ສົ່ງມອບສື່ ແລະ ອຸປະກອນສື່ສານທີ່ມີປະສິດທິຜົນ ເຊັ່ນ: ກໍລະນີສຶກສາ, ຮູບພາບ ແລະ ຄຳບັນຍາຍຮູບພາບ, ການອັບເດດໂຄງການ, ຂ່າວປະຊາສຳພັນ, ເນື້ອຫາເທິງເວັບໄຊ້ ແລະ ສື່ສັງຄົມອອນລາຍ, ວີດີໂອ, ແລະ ອຸປະກອນການສື່ສານພາຍນອກອື່ນໆຢ່າງຕໍ່ເນື່ອງ ແລະ ອີງຕາມຄໍາຮ້ອງຂໍ.
• ແກ້ໄຂ ແລະ ສັນສ້າງສື່ຮູບພາບ ແລະ ວີດີໂອຕ່າງໆທີ່ເໝາະສົມກັບການນຳໃຊ້ເຂົ້າໃນບົດລາຍງານຂອງຜູ້ໃຫ້ ທຶນ, ການນຳສະເໜີ, ສື່ສັງຄົມອອນລາຍ, ແລະ ບັນດາກິດຈະກຳເສີມສ້າງການມີສ່ວນຮ່ວມ.
• ເດີນທາງໄປພື້ນທີ່ປະຕິບັດງານເພື່ອຖ່າຍຮູບພາບ ແລະ ວີດີໂອ, ເພື່ອເກັບກຳຂໍ້ມູນ ແລະ ສ້າງບົດຂ່າວ ເພື່ອນໍາ ສະເໜີ ເນື້ອຫາສຳລັບສື່ມວນຊົນ, ທັງຈາກທີມງານເອັນພີເອໃນພາກສະໜາມ ແລະ ຜູ້ທີ່ໄດ້ຮັບຜົນປະໂຫຍດ ເອງ ໃນແຕ່ລະເຂດພື້ນທີ່ປະຕິບັດງານຂອງເອັນພີເອ ເຊັ່ນ: ອັດຕະປື, ຈຳປາສັກ, ສາລະວັນ, ແລະ ເຊກອງ.
• ຮັບປະກັນວ່າເນື້ອຫາ ແລະ ຮູບພາບຕ່າງໆ ສອດຄ່ອງ ແລະ ເປັນໄປຕາມນະໂຍບາຍ ແລະ ມາດຕະຖານ ທາງດ້ານຈັນຍາບັນຂອງເອັນພີເອ, ລວມທັງການໄດ້ຮັບການຍິນຍາມຈາກທຸກໆພາກສ່ວນ.
• ໃຫ້ການຊ່ວຍເຫຼືອຜູ້ປະສານງານດ້ານການສື່ສານ ໃນການສະໜອງຊັບສິນທີ່ເປັນຮູບພາບ ແລະ ວີດີໂອຕ່າງໆ ສໍາລັບສື່ສັງຄົມອອນລາຍ, ເນື້ອຫາເທິງເວັບໄຊທ໌, ຂ່າວປະຊາສຳພັນ, ແລະ ອຸປະກອນການສື່ສານອື່ນໆ.
• ສະໜັບສະໜູູນການວາງແຜນ ແລະ ການປະຕິບັດ ດ້ານເນື້ອໃນທີ່ເປັນຮູບພາບ ແລະ ວີດີໂອສໍາລັບກິດຈະກຳ ນອກສະຖານທີ່, ການນໍາສະເຫນີຂອງຜູ້ໃຫ້ທຶນ, ແລະ ກິດຈະກໍາໂຄງການ. ຊ່ວຍເຫຼືອຜູ້ປະສານງານດ້ານການ ສື່ສານ ໃນການວາງແຜນ ແລະ ການຈັດກິດຈະກໍາພາຍນອກ ເພື່ອສົ່ງເສີມໂຄງການ ເອັນພີເອ ແຫ່ງ ສປປ ລາວ ແລະ ກິດຈະກໍາຕ່າງໆ.
• ເຝິກອົບຮົມ ແລະ ສ້າງຄວາມອາດສາມາດຂອງພະນັກງານປະຕິບັດງານຂອງ ເອັນພີເອ ໃນການຖ່າຍຮູບທີ່ມີຄຸນ ນະພາບດີ, ນໍາໃຊ້ແບບຟອມການຍິນຍອມສໍາພາດ, ແລະ ບັນທຶກເລື່ອງຂອງຜູ້ໄດ້ຮັບຜົນປະໂຫຍດໃນລັກສະ ນະທີ່ເໝາະສົມ ແລະ ລະອຽດອ່ອນ, ອີງຕາມນະໂຍບາຍການປົກປ້ອງ ເອັນພີເອ ແຫ່ງ ສປປ ລາວ.
• ໃຫ້ການຊ່ວຍເຫຼືອ ຜູ້ປະສານງານດ້ານການສື່ສານ ໃນກາຮັກສາ ແລະ ອັບເດດລະບົບອອນລາຍຂອງ ເອັນພີເອ ເປັນປະຈຳໃນການເກັບຮັກສາຮູບພາບ, ຄຳບັນຍາຍ, ວີດີໂອ, ແລະ ສື່ກຣາບຟິກຕ່າງໆ.
• ປະຕິບັດວຽກງານອື່ນໆຕາມທີ່ຖືກຊີ້ນຳໂດຍ CC ແລະ DPM.

ຄຸນວຸດທິທີ່ຕ້ອງການ:

ຈໍາເປັນຕ້ອງມີ:

• ມີປະສົບການໃນການຖ່າຍຮູບມືອາຊີບ, ການຖ່າຍວິດີໂອ, ການອອກແບບກາຟິກ, ແລະ ການແກ້ໄຂວິດີໂອ, ພ້ອມຜົນງານຕົວຢ່າງ (Portfolio) ຂອງວຽກທີ່ຜ່ານມາ.
• ຮູ້ຈັກຍຳໃຊ້ໂປຣແກຣມໃນການຕັດຕໍ່ ແລະ ອອກແບບ ເຊັ່ນ: Adobe Premiere Pro, Final Cut Pro, CapCut, Canva, Adobe Photoshop and Illustrator ແລະ ອື່ນໆ.
• ທັກສະທາງດ້ານການຖ່າຍຮູບ, ຖ່າຍວີດີໂອ, ກຣາຟຟິກ, ແລະ ການຕັດຕໍ່ວີດີໂອ.

• ມີປະສົບການໃນການພັດທະນາສື່ຕ່າງໆສຳລັບຜູ້ຊົມທີ່ຫຼາກຫຼາຍ.

• ປະສົບການໃນການອອກແບບສື່ການສື່ສານ ເຊັ່ນ: ຮູບພາບ, ກຣາຟຟິກ, ແລະ ວີດີໂອ.
• ປະສົບການໃນການຈັດການບັນຊີສື່ສັງຄົມອອນລາຍ, ເວັບໄຊ້, ແລະ ການສ້າງເນື້ອຫາຕ່າງໆ. ທັກສະດ້ານໄອທີ ແລະ ຄອມພິວເຕີ.
• ເຕັມໃຈ ແລະ ສາມາດເດີນທາງເປັນໄປ-ມາລະຫວ່າງເຂດປະຕິບັດງານໃນ ປາກເຊ ແລະ ແຂວງອື່ນໆໃນພາກໃຕ້ຂອງ ສປປ ລາວ, ລວມທັງຫ້ອງການນະຄອນຫຼວງວຽງຈັນ ຕາມຄວາມຕ້ອງການ.
• ສາມາດອ່ານ ແລະ ຂຽນພາສາລາວໄດ້ດີ.
• ສາມາດເຮັດວຽກໄດ້ຢ່າງອິດສະຫຼະ, ສ້າງສັນ, ແລະ ລິເລີ່ມ.

ຖ້າມີຍີ່ງເປັນການດີ:

• ມີປະສົບການເຮັດວຽກກັບອົງການຈັດຕັ້ງສາກົນທີ່ບໍ່ຂຶ້ນກັບລັດຖະບານ (NGO) ຫຼື ບໍລິສັດຫນັງສືພິມ / ສື່ມວນຊົນ ຈະພິຈາລະນາເປັນພິເສດ.

• ປະສົບການເຮັດວຽກກ່ຽວກັບໂຄງການດ້ານການພັດທະນາ ຫຼື ມະນຸດສະທໍາ.
• ທັກສະດ້ານພາສາອັງກິດ, ແຕ່ບໍ່ແມ່ນຂໍ້ບັງຄັບ.
• ຄວາມສາມາດໃນການເວົ້າພາສາທ້ອງຖິ່ນ ຫຼື ຊົນເຜົ່າ.

ຄວາມສາມາດ ແລະ ຄຸນນະສົມບັດສ່ວນຕົວ:

• ມີແຮງຈູງໃຈສູງ, ສ້າງສັນ, ຕື່ນຕົວ, ແລະ ອັດທະຍາໄສດີ.

• ທັກສະດ້ານການສື່ສານ ແລະ ມະນຸດສຳພັນ.
• ຄວາມສາມາດໃນການລິເລີ່ມ ແລະ ເຮັດວຽກຢ່າງອິດສະຫຼະ.
• ອຸທິດຕົນ ແລະ ມຸ່ງໝັ້ນທີ່ຈະຮັກສາມາດຕະຖານ ແລະ ຄຸນນະພາບສູງ.
• ມີຄວາມຕັ້ງໃຈທີ່ຈະເດີນທາງເລື້ອຍໆ ແລະ ມີສ່ວນຮ່ວມກັບກຸ່ມຄົນທີ່ມີຄວາມຫຼາກຫຼາຍ ລວມທັງໃນເຂດຊົນ ນະບົດ ແລະ ຫ່າງໄກສອກຫຼີກຂອງ ສປປ ລາວ.
• ຄວາມສາມາດໃນການສ້າງສາຍພົວພັນການເຮັດວຽກທີ່ມີປະສິດທິພາບໃນທຸກລະດັບທັງພາຍໃນ ແລະ ພາຍນອກ ອົງກອນ.
• ປະຕິບັດຕາມກໍານົດເວລາ ແລະ ເອົາໃຈໃສ່ກັບລາຍລະອຽດ.