ຫົວໜ້າທີມພົວພັນຊຸມຊົນ

ໜ້າ​ທີ່​ຮັບຜິດຊອບຫຼັກ:

ຫົວໜ້າທີມພົວພັນຊຸມຊົນ ມີໜ້າທີ່ຄຸ້ມຄອງການປະຕິບັດວຽກໃນພາກສະໜາມ ເພື່ອຮັບປະກັນໃຫ້ກິດຈະກຳພົວພັນຊຸມຊົນທີ່ດຳເນີນການໂດຍພະນັກງານພົວພັນຊຸມຊົນ (CLO) ຈັດຕັ້ງປະຕິບັດໃຫ້ສອດຄ່ອງຕາມແຜນງານທີ່ໄດ້ວາງໄວ້ຮ່ວມກັບຜູ້ປະສານງານຝ່າຍພົວພັນຊຸມຊົນ (CLC). ຜູ້ຫົວໜ້າທີມພົວພັນຊຸມຊົນ ຈະຮັບປະກັນໃຫ້ການປະຕິບັດວຽກ ສອດຄ່ອງກບມາດຕະຖານການປະຕິບັດວຽກ ແລະ ຄູ່ມືທາງດ້ານວິຊາການຕ່າງໆ ໃນລະຫວ່າງການຈັດຕັ້ງປະຕິບັດ. ນອກຈາກນີ້, ຫົວໜ້າທີມພົວພັນຊຸມຊົນຈະຮັບຜິດຊອບໃນການຕິດຕາມການປະຕິບັດວຽກໃນພາກສະໜາມ, ການຝຶກອົບຮົມພາຍໃນ ແລະ ຊີ້ນໍາຂັ້ນຕອນເລີ່ມຕົ້ນ ໃນຂະບວນການຄຸ້ມຄອງ ແລະ ຄວບຄຸມຄຸນະພາບ.

ການຊີ້ນໍາ ແລະ ການສະໜັບສະໜູນທີມງານ:

• ຊີ້ນຳ ແລະ ໃຫ້ຄໍາແນະນໍາພະນັກງານພົວພັນຊຸມຊົນ ປະຈໍາວັນ.
• ຕິດຕາມຜົນການປະຕິບັດວຽກຂອງທີມງານ ແລະ ຮັບປະກັນວ່າ ໄດ້ປະຕິບັດຕາມ ແຜນງານ ແລະ ຕາຕະລາງການເຮັດວຽກ.
• ຮັບປະກັນວ່າ ພະນັກງານພົວພັນຊຸມຊົນທຸກຄົນປະຕິບັດຕາມມາດຕະຖານທາງດ້ານຄວາມປອດໄພ ແລະ ລາຍງານເຫດການດ້ານຄວາມໝັ້ນຄົງທີ່ເກີດຂຶ້ນທັນທີ.

ການວາງແຜນ ແລະ ຈັດຕັ້ງປະຕິບັດກິດຈະກຳພົວພັນຊຸມຊົນ:

• ສ້າງ ແລະ ຮັກສາຄວາມສໍາພັນທີ່ດີກັບອຳນາດການປົກຄອງທ້ອງຖິ່ນ, ຊຸມຊົນ ແລະ ບັນດາພາກສ່ວນກ່ຽວຂ້ອງ ເພື່ອສະໜັບສະໜູນການການຈັດຕັ້ງປະຕິບັດວຽກຂອງ ອົງການເກັບກູ້ລະເບີດ ແມັກ ສາມາດໍາເນີນຢ່າງສະດວກ.
• ປະສານງານກິດຈະກຳປະຈຳວັນ ແລະ ແຜນການລົງພື້ນທີ່ກັບພະນັກງານພົວພັນຊຸມຊົນ ແລະ ຜູ້ປະສານງານຝ່າຍພົວພັນຊຸມຊົນ.
• ສະໜອງຂໍ້ມູນຢ່າງຖືກຕ້ອງ ແລະ ໃຫ້ທັນເວລາແກ່ຜູ້ປະສານງານຝ່າຍພົວພັນຊຸມຊົນ ແລະ ຫົວໜ້າຝ່າຍພົວພັນຊຸມຊົນ ເພື່ອສະໜັບສະໜູນໃນການຈັດບຸລິມະສິດ ແລະ ລະບຸກຸ່ມເປົ້າໝາຍ ແລະ ພື້ນທີ່ເປົ້າໝາຍສໍາລັບວຽກງານພົວພັນຊຸມຊົນ ແລະ ກິດຈະກໍາທາງດ້ານວິຊາການອື່ນໆ.

ການຝຶກອົບຮົມ ແລະ ການສ້າງຄວາມອາດສາມາດ:

• ສະໜັບສະໜູນຜູ້ປະສານງານຝ່າຍພົວພັນຊຸມຊົນ ແລະ ຫົວໜ້າຝ່າຍພົວພັນຊຸມຊົນ ໃນການວາງແຜນ ແລະ ຈັດຝຶກອົບຮົມໃຫ້ແກ່ພະນັກງານໃໝ່ ພ້ອມທັງຝຶກອົບຮົມທົບທວນຄວາມຮູ້ໃຫ້ແກ່ພະນັກງານພົວພັນຊຸມຊົນທັງໝົດ.
• ຈັດຝຶກອົບຮົມພາຍໃນທີມງານ ອີງຕາມຄວາມຮຽກຮ້ອງຕ້ອງການ ແລະ ຈຸດທີ່ຕ້ອງການພັດທະນາ ທີ່ລະບຸໄດ້ຈາກການລົງຕິດຕາມພາກສະໜາມ ໂດຍຮ່ວມກັບຜູ້ປະສານງານຝ່າຍພົວພັນຊຸມຊົນ.

ການຕິດຕາມ ແລະ ການລາຍງານ

• ຕິດຕາມການຈັດຕັ້ງປະຕິບັດແຜນງານກິດຈະກໍາພົວພັນຊຸມຊົນ ເພື່ອຮັບປະກັນວ່າ ສາມາດຈັດຕັ້ງປະຕິບັດຕາມເວລາ ແລະ ບັນລຸເປົ້າໝາຍ.
• ລາຍງານການລະເມີດມາດຕະຖານການປະຕິບັດວຽກຂອງອົງການເກັບກູ້ລະເບີດ ແມັກ ໃຫ້ກັບຜູ້ປະສານງານຝ່າຍພົວພັນຊຸມຊົນ ແລະ ຫົວໜ້າຝ່າຍພົວພັນຊຸມຊົນ.
• ເຮັດບົດລາຍງານປະຈຳວັນ, ປະຈໍາອາທິດ, ແລະ ປະຈໍາເດືອນຢ່າງຖືກຕ້ອງ ໂດຍນໍາໃຊ້ແບບຟອມມາດຕະຖານ ແລະ ສົ່ງໃຫ້ຜູ້ປະສານງານຝ່າຍພົວພັນຊຸມຊົນ ໃຫ້ທັນຕາມກໍານົດເວລາ.

ເງື່ອນໄຂຂອງຜູ້ສະໝັັກ:

• ຮຽນຈົບວິຊາຊີບສາຂາໃດໜຶ່ງ ໃນລະດັບຊັ້ນສູງ ຫຼື ທຽບເທົ່າ ຂຶ້ນໄປ.
• ມີໃບຂັບຂີ່ລົດຈັກ ປະເພດ A ຂຶ້ນໄປ ແລະ ຕ້ອງຍັງເຫຼຶອອາຍຸການນຳໃຊ້ຢ່າງໜ້ອຍ 6 ເດືອນຂຶ້ນໄປ.
• ມີປະສົບການໃນການວາງແຜນ, ການຈັດຕັ້ງປະຕິບັດ ແລະ ການຕິດຕາມກິດຈະກໍາໃນພາກສະໜາມ, ພ້ອມທັງຄວາມສາມາດໃນການພັດທະນາ ແລະ ປະຕິບັດຕາມແຜນງານຢ່າງລະອຽດ.
• ມີປະສົບການໃນການເກັບກໍາຂໍ້ມູນ, ການຈັດການບໍລິຫານ ແລະ ການວິເຄາະຂໍ້ມູນ.
• ມີປະສົບການໃນການດໍາເນີນ ແລະ ອໍານວຍຄວາມສະດວກໃນການຝຶກອົບຮົມ.
• ມີປະສົບການເຮັດວຽກກັບຊຸມຊົນໃນເຂດຊົນນະບົດ ຢູ່ແຂວງ ຊຽງຂວາງ, ໂດຍສະເພາະເຮັດວຽກກັບຫຼາຍກຸ່ມຊົນເຜົ່າ ແລະ ວັດທະນະທໍາທີ່ຫຼາກຫຼາຍ ຈະພິຈາລະນາເປັນພິເສດ.
• ມີທັກສະທາງດ້ານການນໍາໃຊ້ຄອມພິວເຕີ: ມີຄວາມຮູ້ທີ່ດີກ່ຽວກັບ Microsoft Office (ໂດຍສະເພາະ Excel, Word, ແລະ PowerPoint).
• ສາມາດສື່ສານພາສາອັງກິດໄດ້ໃນລະດັບດີ.
• ມີທັກສະທາງດ້ານການຈັດການບໍລິຫານທີ່ດີ.
• ມີຄວາມຮູ້ ແລະ ຄວາມຄຸ້ນເຄີຍກັບເຄື່ອງມື ແລະ ວິທີການປະເມີນຜົນແບບມີສ່ວນຮ່ວມ.
• ມີຄວາມຍືດຍຸ່ນ, ມະນຸດສໍາພັນທີ່ດີ ແລະ ມີຄວາມມຸ່ງໝັ້ນໃນການເຮັດວຽກກັບຊຸມຊົນ.
• ສາມາດຂຶ້ນນຳສະເໜີການປະຕິບັດວຽກງານຂອງອົງການແມັກ ໃຫ້ແກ່ຊຸມຊົນຂະໜາດນ້ອຍ ແລະ ໃຫຍ່.
• ມີຄວາມຊື່ສັດ ແລະ ຈັນຍາບັນໃນລະດັບສູງ.

ວິທີ ແລະ ຂັ້ນຕອນການສະໝັກສຳລັບຕຳແໜ່ງນີ້:

ຜູ້ສົນໃຈ ກະລຸນາ ກະກຽມ ຊີວະປະຫວັດຫຍໍ້ (CV) ພ້ອມດ້ວຍ ຈົດໜາຍສະໝັກວຽກ (Cover letter) ຂອງຕົນເອງ ແລ້ວສົ່ງສະ ໝັກທາງອອນລາຍຕາມລິ້ງຕໍ່ໄປນີ້:

ລິ້ງສະໝັກ: https://forms.gle/BYfAv7ioy8WhdcSz9

ປິດຮັບສະໝັກແມ່ນ ເວລາ 16:00 PM ຂອງ ວັນທີ 08 ເດືອນ ກັນຍາ 2025

ຜູ້ສະໝັກທີ່ໄດ້ຮັບການຄັດເລືອກເທົ່ານັ້ນ ທີ່ຈະໄດ້ຮັບການຕິດຕໍ່ເພື່ອມາສຳພາດ.