ວິຊາການສົ່ງເສີມບົດບາດຍິງຊາຍ ແລະ WASH

ຮັບສະໝັກເພື່ອນຮ່ວມງານ

2 ຕໍາແໜ່ງ ປະຈຳຢູ່ຫ້ອງການ ເມືອງໝອກ ແຂວງຊຽງຂວາງ

ອົງການພັດທະນາ ແລະ ບັນເທົາທຸກ (ADRA) ປະຈໍາ ສປປ ລາວ ແມ່ນອົງການຈັດຕັ້ງສາກົນທີ່ບໍ່ສັງກັດລັດຖະບານ ມີເຄືອຂ່າຍຢູ່ຫຼາຍກ່ວາ 120 ປະເທດທົ່ວໂລກ. ນັບ​ຕັ້ງແຕ່ໄດ້ຮັບອະຍາດດໍາເນີນງານໃນ​ປີ 1992 ​ເປັນ​ຕົ້ນ​ມາ, ອົງການ ADRA ປະຈໍາ ສປປ ລາວ ​ໄດ້​ເຄື່ອນໄຫວຈັດຕັ້ງປະຕິບັດໂຄງການຊ່ວຍລ້າຫຼາຍກວ່າ 150 ​ໂຄງການ ​ກວມເອົາ 13 ແຂວງທົ່ວປະເທດ, ໂດຍສຸມໃສ່ ການປັບປຸງຊີວິດການເປັນຢູ່ ແລະ ການສົ່ງເສີມກະສິກຳ, ສຸຂະພາບ ແລະ ການຫຼຸດຜ່ອນການປ່ຽນແປງດິນຟ້າອາກາດ. ນອກຈາກນີ້ ອົງການ ADRA ປະຈໍາ ສປປ ລາວ ໄດ້ໃຫ້ການຊ່ວຍເຫຼືອດ້ານການຄຸ້ມຄອງໄພພິບັດ ໂດຍອີງໃສ່ການສະໜັບສະໜູນ ແລະ ຮ່ວມມືຢ່າງໃກ້ຊິດກັບອຳນາດການປົກຄອງທ້ອງຖິ່ນ.

ນອກຈາກຜູ້ໃຫ້ທຶນອື່ນໆແລ້ວ ໃນປະຈຸບັນ ອົງການ ADRA ປະຈໍາ ສປປ ລາວ ໄດ້ຮັບທຶນເພື່ອຈັດຕັ້ງປະຕິບັດໂຄງການສົ່ງເສີມສຸຂະພາບ ແລະ ໂພຊະນາການແບບເຊື່ອມສານເມືອງໝອກ (INHIM) ຈາກ Canadian Foodgrains Bank ແລະ ອົງການ ADRA Canada ເພື່ອແກ້ໄຂບັນຫາການຂາດໂພຊະນາການຜ່ານການຮ່ວມມືກັບຫຼາຍຂະແໜງການ ແລະ ການຈັດຕັ້ງປະຕິບັດມາດຕະການທາງກົງ-ທາງອ້ອມ ຕິດພັນກັບການສົ່ງເສີມບົດບາດຍິງຊາຍ ແລະ ການມີສ່ວນຮ່ວມ ເພື່ອສົ່ງເສີມໃຫ້ສຸຂະພາບ ແລະ ໂພຊະນາການຂອງກຸ່ມເປົ້າໝາຍດີຂຶ້ນ ໂດຍສະເພາະແມ່ນແມ່ຍິງໄວຈະເລີນພັນ, ເດັກລຸ່ມ 05 ປີ ແລະ ໄວໜຸ່ມ ໃນ 20 ບ້ານເປົ້າໝາຍຂອງເມືອງໝອກ, ແຂວງຊຽງຂວາງ.

ເພື່ອຈັດຕັ້ງປະຕິບັດໂຄງການດັ່ງກ່າວນີ້ໃຫ້ບັນລຸຜົນ ອົງການ ADRA ປະຈໍາ ສປປ ລາວ ກຳລັງຊອກຫາບຸກຄົນທີ່ມີຄວາມຕັ້ງໃຈ ແລະ ມີຄຸນສົມບັດທີ່ເໝາະສົມ ເພື່ອເຂົ້າຮ່ວມທີມຂອງພວກເຮົາໃນຕໍາແໜ່ງ ວິຊາການສົ່ງເສີມກະສິກໍາ (ປູກຝັງ–ລ້ຽງສັດ) ແລະ ວິຊາການສົ່ງເສີມບົດບາດຍິງຊາຍ ແລະ ສຸຂາພິບານ–ສຸຂານາໄມ້ (WASH) ປະຈຳຢູ່ຫ້ອງການ ເມືອງໝອກ ແຂວງຊຽງຂວາງ:

ວິຊາການສົ່ງເສີມບົດບາດຍິງຊາຍ ແລະ ສະຂານາໄມ–ສຸຂາພິບານ (WASH)

ວິຊາການສົ່ງເສີມບົດບາດຍິງຊາຍ ແລະ ສະຂານາໄມ–ສຸຂາພິບານ (WASH) ຮັບຜິດຊອບວຽກເຕັກນິກ ແລະ ບໍລິຫານທີ່ຕິດພັນກັບຕໍາແໜ່ງຂອງຕົນ ລວມທັງການຈັດຕັ້ງປະຕິບັດ ແລະ ປະສານງານກິດຈະກຳສົ່ງເສີມບົດບາດຍິງຊາຍ ແລະ ສະຂານາໄມ–ສຸຂາພິບານ (WASH)  ຂອງໂຄງການ INHIM, ປະສານງານກັບຄູ່ຮ່ວມງານ ແລະ ພາກລັດ,​ ຂຽນບົດລາຍງານ, ວຽກເຄືອຄ່າຍ, ແລະ ວຽກ​ຕິດ​ຕາມ-​ປະ​ເມີນ​ຜົນ​.

ເງື່ອນໄຂການຄັດເລືອກ

• ຈົບປະລິນຍາຕີສາຂາ ພັດທະນາຊຸມຊົນ, ພັດທະນາຊົນນະບົດ, ວິສະວະກໍາ ຫຼື ສາຂາອື່ນທີ່ກ່ຽວຂ້ອງ

• ມີປະສົບການເຮັດວຽກຢ່າງໜ້ອຍ 3 ປີ ຮ່ວມກັບອົງການຈັດຕັ້ງສາກົນ ໃນການນຳໃຊ້ຄວາມຊຳນິຊຳນານ-ເຕັກນິກ ພາກສະໜາມ

• ມີປະສົບການໃນການເຮັດວຽກ-ປະສານງານກັບພາກລັດ ແລະ ຄູ່ຮ່ວມງານຫຼາຍຝ່າຍ ໃນການລະດົມ ແລະ ຈັດຕັ້ງປະຕິບັດກິດຈະກໍາໂຄງການ ພ້ອມທັງມີຄວາມເຂົ້າໃຈລະບົບສາທາລະນະສຸກຂອງ ສປປ ລາວ, ລະບຽບຂັ້ນຕອນຕ່າງໆ, ນະໂຍບາຍຂອງລັດ ແລະ ແນວທາງການມີສ່ວນຮ່ວມໃນການພັດທະນາຊົນນະບົດ

• ສາມາດເຮັດວຽກແບບອິດສະຫຼະໄດ້,​ ຮູ້ຈັກວາງແຜນ, ຈັດບຸລິມະສິດ, ແກ້ໄຂບັນຫາ ແລະ ມີຄວາມຮັບຜິດຊອບສູງໃນການຕັດສິນໃຈ ໃນຂອບເຂດທີ່ຕົນໄດ້ຮັບມອບໝາຍ.

• ມີທັດສະນະຄະຕິດີ, ມີມະນຸດສຳພັນ ແລະ ທັກສະການສື່ສານທີ່ດີ. ສາມາດເວົ້າພາສາລາວໄດ້ຄ່ອງແຄ້ວ. ຖ້າໄດ້ພາສາຂະມຸ, ພາສາມົ້ງ ແລະ ພາສາອັງກິດ ແມ່ນຈະພິຈາລະນາພິເສດ

• ມີຄວາມຊໍານານໃນການນຳໃຊ້ ໂປຣແກຣມ ໄມໂຄຼຊອບ ອອບຟິສ (Microsoft Office packages)

• ເປັນຄົນມັກຮຽນຮູ້ ແລະ ພັດທະນາຄວາມສາມາດ.

ເອກະສານສະໝັກ:

• ຈົດໝາຍສະໝັກວຽກ ໂດຍອະທິບາຍລະອຽດວ່າຕົນບັນລຸເງື່ອນໄຂຂ້າງເທິງແນວໃດ ພ້ອມທັງແຮງຈູງໃຈ ຕໍ່ຕຳແໜ່ງດັ່ງກ່າວ.
• ຊີວະປະຫວັດຫຼ້າສຸດ ພ້ອມທັງລະບຸຜູ້ອ້າງອີງທີ່ເຊື່ອຖືໄດ້ 3 ທ່ານ.
• ໃບຢັ້ງຢືນຕ່າງໆ ແລະ ເອກະສານອື່ນໆທີ່ກ່ຽວຂ້ອງ.

ສະໝັກຜ່ານລິ້ງ:

• ວິຊາການສົ່ງເສີມບົດບາດຍິງຊາຍ ແລະ ສະຂານາໄມ–ສຸຂາພິບານ (WASH): https://forms.gle/xMU5xAJiYBD5jrYXA

ປິດຮັບສະໝັກ 3 ມັງກອນ 2025

ອົງການ ADRA ສະໜັບສະໜຸນຜູ້ສະໝັກທີ່ເປັນເພດແມ່ຍິງ, ຄົນພິການ ແລະ ຄົນຊົນເຜົ່າທີ່ມີຄຸນສົມບັດເໝາະສົມ ແລະ ມີປະສົບການເຂົ້າມາສະໝັກ. ທ່ານທີ່ຕ້ອງການຂໍ້ມູນເພີ່ມ, ກະລຸນາຕິດຕໍ່ hr@adralaos.org ຫຼື ໂທ/WhatsApp 020 22788299.

ໝາຍເຫດ: ທາງອົງການຈະຕິດຕໍ່ຫາແຕ່ສະເພາະຜູ້ທີ່ຖືກຄັດເລືອກ ເຂົ້າຮ່ວມສາໍາພາດເທົ່ານັ້ນ.