ພະນັກງານຂັບລົດປະຈໍາຫ້ອງການ 1 ຕຳແໜ່ງ

ຈຸດປະສົງໜ້າວຽກ:

ພະນັກງານຂັບລົດ ມີໜ້າທີ່ຮັບຜິດຊອບໃນການຂັບພາຫະນະຂອງອົງການເກັບກູ້ລະເບີດ ແມັກ, ໂດຍປະຕິບັດຕາມກົດຈາລະຈອນ ລວມເຖິງນະໂຍບາຍ ແລະ ຂັ້ນຕອນການປະຕິບັດຂອງອົງການເກັບກູ້ລະເບີດ ແມັກ.

ພະນັກງານຂັບລົດ ແມ່ນຢູ່ພາຍໃຕ້ການຄຸ້ມຄອງຂອງພະນັກງານຄຸ້ມຄອງພາຫະນະ ແລະ ຈະປະຕິບັດວຽກຕາມຕາຕະລາງການເຮັດວຽກ ທີ່ກໍານົດໂດຍອົງການເກັບກູ້ລະເບີດ ແມັກ ປະຈໍາ ສປປ ລາວ. ໂດຍທົ່ວໄປແລ້ວ, ຕາຕະລາງການເຮັດວຽກ ແມ່ນເລີ່ມຕັ້ງແຕ່ວັນທີ 1-22 ແລະ ວັນພັກ 8 ມື້, ເຖິງຢ່າງໃດກໍຕາມ ຕາຕະລາງການເຮັດວຽກອາດມີການປ່ຽນແປງຕາມຄວາມຕ້ອງການຂອງໂຄງການ ແລະ ພະນັກງານຕ້ອງສາມາດເດີນທາງລະຫວ່າງແຂວງ ໃນ ສປປ ລາວ ຕາມຄວາມຈໍາເປັນ.

ໜ້າທີຮັບຜິດຊອບ ດັ່ງລຸ່ມມນີ້:

• ຂັບພາຫະນະຂອງອົງການເກັບກູ້ລະເບີດ ແມັກ ຕາມທີ່ໄດ້ມອບໝາຍ ເພື່ອຮັບໃຊ້ວຽກງານບໍລິຫານ.
• ຮັກສາມາດຕະຖານສູງສຸດໃນການບໍລິການພະນັກງານພາຍໃນ ແລະ ແຂກຈາກພາຍນອກ.
• ປະຕິບັດຕາມ ແລະ ຮູ້ກ່ຽວກັບກົດລະບຽບພື້ນຖານໃນການນໍາໃຊ້ຖະໜົນຢ່າງປອດໄພ ຂອງອົງການເກັບກູ້ລະເບີດ ແມັກ.
• ປະຕິບັດຕາມກົດໝາຍວ່າດ້ວຍ ການຈາລະຈອນທາງບົກ ແລະ ກົດຈາລະຈອນຂອງ ສປປ ລາວ.
• ຂັບຂີ່ດ້ວຍຄວາມຮັບຜິດຊອບ ແລະ ຄວາມປອດໄພ ໃນຂະນະທີ່ຂັບຂີ່ພາຫະນະຂອງອົງການເກັບກູ້ລະເບີດ ແມັກ.
• ຮັກສາຄວາມສະອາດ, ຄວາມເປັນລະບຽບຂອງພາຫະນະໃຫ້ຢູ່ໃນມາດຕະຖານສະເໝີ.
• ແຈ້ງພະນັກງານຄຸ້ມຄອງພາຫະນະທັນທີ ເມື່ອເກີດອຸບັດຕິເຫດ ແລະ ຄວາມເສຍຫາຍຕໍ່ພາຫະນະໃນມື້ເກີດເຫດ ແລະ ເຮັດບົດລາຍງານອຸບັດຕິເຫດສົ່ງໃຫ້ກັບພະນັກງານຄຸ້ມຄອງພາຫະນະ.
• ບັນທຶກບັນຫາຕ່າງໆຂອງພາຫະນະໃນແບບຟອມການບໍາລຸງຮັກສາພາຫະນະ ແລະ ສົ່ງໃຫ້ກັບພະນັກງານຄຸ້ມຄອງພາຫະນະ.
• ນໍາພາຫະນະທີ່ມອບໝາຍໄປສູນບໍລິການຕາມວັນທີກໍານົດທີ່ຕິດຢູ່ໜ້າແວ່ນ ແລະ ຊ່ວຍພະນັກງານຄຸ້ມຄອງພາຫະນະ ເອົາພາຫະນະເຂົ້າອູ່ສ້ອມແປງ ແລະ ເຕີມນໍ້າມັນ ເມື່ອຈໍາເປັນ.
• ຫ້າມດື່ມສິ່ງມືນເມົາ ຫຼື ຢູ່ໃນສະພາບທີ່ມືນເມົາ ໃນຂະນະທີ່ປະຕິບັດໜ້າທີ່.
• ຕ້ອງສາມາດເດີນທາງໃນໄລຍະທາງທີ່ຍາວ ແລະ ດົນນານ ໄປຫ້ອງການສໍານັກງານໃຫຍ່ນະຄອນຫຼວງວຽງຈັນ ແລະ ຫ້ອງການແຂວງຊຽງຂວາງ ຂອງອົງການເກັບກູ້ລະເບີດ ແມັກ ແລະ ຕ້ອງສາມາດຕິດຕໍ່ໄດ້ຕະຫຼອດ ເມື່ອຈໍາເປັນ. ລວມເຖິງ ໃນໄລຍະຂອງການປິດສະໜາມ.
• ປະຕິບັດໜ້າທີ່ອື່ນໆຕາມການມອບໝາຍ ເພື່ອສະໜັບສະໜູນໂຄງການ ແລະ ຕໍາແໜ່ງອື່ນໆ. ອາດລວມເຖິງການສະໜັບສະໜູນພະແນກອື່ນ ໃນການປະຕິບັດວຽກພື້ນຖານ.

ເງື່ອນໄຂ, ຄຸນວຸດທິ ແລະ ປະສົບການມີດັ່ງນີ້:

• ມີປະສົບການຢ່າງໜ້ອຍ 2 ປີ ໃນການຂັບຂີ່ ພ້ອມທັງມີສະຖິຕິການຂັບຂີ່ທີ່ດີ.
• ມີໃບຂັບຂີ່ທີ່ບໍ່ໝົດອາຍຸ ປະເພດ A, B ແລະ C.
• ມີປະສົບການໃນການບໍາລຸງຮັກສາ ແລະ ການສ້ອມແປງພື້ນຖານ.
• ມີຄວາມຮູ້ ແລະ ຄຸ້ນເຄີຍກັບເສັ້ນທາງໃນນະຄອນຫຼວງວຽງຈັນ ແລະ ແຂວງອື່ນໆຈະພິຈາລະນາເປັນພິເສດ.

• ສາມາດສື່ສານພາສາລາວກັບຄົນອື່ນ, ມີຄວາມສາມາດໃນການສື່ສານເປັນພາສາອັງກິດຈະພິຈາລະນາເປັນພິເສດ.
• ມີປະສົບການໃນການຂັບຂີ່ພາຫະນະທີ່ມີລະບົບຂັບເຄື່ອນ 4 ລໍ້ (4WD)
• ມີຄວາມຮູ້ກ່ຽວກັບກົດຈາລະຈອນ.
• ມີທັກສະໃນການວາງແຜນ ແລະ ບໍລິຫານເວລາທີ່ດີ.
• ມີຄວາມສາມາດໃນການເຮັດວຽກເປັນສ່ວນໜຶ່ງຂອງທີມ.
• ມີຄວາມຊື່ສັດ ແລະ ຄຸນນະທໍາສູງ.
• ເຄົາລົບນະໂຍບາຍ ແລະ ຂໍ້ກໍານົດພາຍໃນຕ່າງໆຂອງອົງການເກັບກູ້ລະເບີດ ແມັກ.
• ມີຄວາມສາມາດໃນການເຮັດວຽກເປັນທີມ.

ເອກະສານທີ່ຕ້ອງການ:

• ໃບຄໍາຮ້ອງຂໍສະໝັກວຽກ (ທົ່ວໄປ).
• ຊີວະປະຫວັດຫຍໍ້.
• ໃບຢັ້ງຢືນຮັບປະກັນຈາກນາຍບ້ານ.
• ສໍາເນົາປຶ້ມສໍາມະໂນຄົວ.
• ສຳເນົາໃບຢັ້ງຢືນການສຶກສາ.
• ສຳເນົາໃບຜ່ານງານ (ຖ້າມີ).
• ສຳເນົາໃບຂັບຂີ່ ( ຕ້ອງຍັງມີອາຍຸການນຳໃຊ້ຢ່າງໜ້ອຍ 6 ເດືອນ)

ໝາຍເຫດ:​ ກະລຸນາຖືໃບຂັບຂີ່ຂອງແທ້ມາພ້ອມ ໃນມື້ມາສົ່ງເອກະສານ