Application Developer

ການສ້າງສື່ຊ່ວຍໃນການຮຽນ-ການສອນສຳລັບນັກຮຽນຊັ້ນປະຖົມປີທີ 2
ໂຄງການນີ້ມີຈຸດປະສົງເພື່ອພັດທະນາສື່ຊ່ວຍໃນການຮຽນ-ການສອນວິຊາພາສາລາວ ໃນຮູບແບບແອັບພລິເຄຊັນສຳລັບນັກຮຽນຊັ້ນປະຖົມປີທີ 2.
ຈຸດປະສົງ

• ເພື່ອພັດທະນາສື່ຊ່ວຍໃນການຮຽນ-ການສອນ ວິຊາພາສາລາວ ໃນຮູບແບບເອເລັກໂຕຣນິກ (ແອັບພລິເຄຊັນຮຽນຮູ້ສຳລັບນັກຮຽນຊັ້ນປະຖົມປີທີ 2) ທີ່ສອດຄ່ອງກັບຫຼັກສູດການຮຽນ-ການສອນ ແລະ ແທດເໝາະກັບພັດທະນາການຂອງເດັກ.

ຄາດຄະເນຜົນໄດ້ຮັບ

• ໄດ້ສື່ຊ່ວຍການຮຽນຮູ້ວິຊາພາສາລາວ ສຳລັບຄູ ແລະ ນັກຮຽນ, ປະກອບດ້ວຍ 25 ເນື້ອໃນ.

ຄຳແນະນຳໃນການພັດທະນາ ແລະ ຂອບເຂດຂອງເນື້ອໃນ
ຄຳແນະນຳໃນການພັດທະນາ

• ຮູບແບບແອັບ: ພັດທະນາແອັບໃນຮູບແບບ Native App ຫຼື Hybrid App.
• ເຄື່ອງມື ແລະ ພາສາ: ເລືອກຕາມຄວາມຖະໜັດຂອງຜູ້ພັດທະນາ (ແນະນຳ Flutter).
• ການຮອງຮັບແພລັດຟອມ: ຮອງຮັບ Android, iOS ຫຼື ແພລັດຟອມອື່ນໆ (ຢ່າງໜ້ອຍໃຫ້ຮອງຮັບ Android) ແລະ ສາມາດອັບໂຫຼດຂຶ້ນຮ້ານຄ້າອອນລາຍໄດ້ (Play Store ຫຼື App Store).
• ຂະໜາດໜ້າຈໍ: ຮອງຮັບຂະໜາດໜ້າຈໍ 5 ນິ້ວ – 10 ນິ້ວ (Smart Phone – Tablet – Smart Board).
• ຖານຂໍ້ມູນ: ສາມາດໃຊ້ SQLite, Firebase, MongoDB, ຫຼື ອື່ນໆ.
• ການອອກແບບ UI-UX: ອອກແບບໃຫ້ສວຍງາມ ແລະ ໃຊ້ງານງ່າຍ.
• ຂະໜາດແອັບ: ຕ້ອງບໍ່ເກີນ 150MB.
• Library ເສີມ: ສາມາດນຳໃຊ້ Library ເສີມຕ່າງໆທີ່ໂຫຼດຈາກອິນເຕີເນັດມາໃຊ້ໃນການພັດທະນາໄດ້ (ທີ່ບໍ່ມີລິຂະສິດ).
• ຮູບແບບການສະແດງ: ການສະແດງຜົນໃນແອັບຕ້ອງເປັນແບບ Landscape (ແນວນອນ).
• ການເຊື່ອມໂຍງ: ແອັບສາມາດນຳເຂົ້າມາໃຊ້ງານຮ່ວມກັບແອັບ “ຫ້ອງຮຽນເອເລັກໂຕຣນິກ 1 ຫຼື AE E-Classroom E3.1 Lao” ໄດ້.
• ການເກັບກຳຂໍ້ມູນ: ມີການເກັບກຳຂໍ້ມູນ ແລະ ປະຫວັດການຫຼິ້ນຂອງຜູ້ໃຊ້.
• ການນຳໃຊ້ແບບ Offline: ແອັບສາມາດໃຊ້ງານໄດ້ໃນສະຖານະການທີ່ບໍ່ມີອິນເຕີເນັດ.
• ເປົ້າໝາຍຜູ້ໃຊ້: ຄູ ແລະ ນັກຮຽນທີ່ບໍ່ມີປະສົບການການນຳໃຊ້ເຄື່ອງໄອຊີທີມາກ່ອນ, ດັ່ງນັ້ນການອອກແບບຕ້ອງຄຳນຶງເຖິງຈຸດນີ້.

ຂອບເຂດຂອງເນື້ອໃນ
ແອັບຈະມີ 25 ຟັງຊັນ (ອີງຕາມເນື້ອໃນປຶ້ມແບບຮຽນວິຊາພາສາລາວ ປີທີ 2 ສະບັບປີ 2020 ນັບແຕ່ບົດທີ 1 – ບົດທີ 29) ເຊິ່ງມີຫົວຂໍ້ ແລະ ຈຸດປະສົງດັ່ງນີ້:

1. ຟັງຊັນທີ 01: ຟັງ ແລະ ເວົ້າຊື່ຮູບພາບ
2. ຟັງຊັນທີ 02: ເວົ້າຊື່ ແລະ ອອກສຽງ
3. ຟັງຊັນທີ 03: ອ່ານຄໍາສັບ
4. ຟັງຊັນທີ 04: ຫັດຂຽນງາມ
5. ຟັງຊັນທີ 05: ອ່ານ ແລະ ຫຼິ້ນເກມຊອກຫາຄໍາສັບ
6. ຟັງຊັນທີ 06: ອ່ານ ແລະ ບອກຄໍາສັບ
7. ຟັງຊັນທີ 07: ປະກອບຕົວອັກສອນ
8. ຟັງຊັນທີ 08: ເບິ່ງຮູບພາບແລ້ວບອກຄວາມໝາຍ
9. ຟັງຊັນທີ 09: ອ່ານບົດເລື່ອງ
10. ຟັງຊັນທີ 10: ຕອບຄໍາຖາມ
11. ຟັງຊັນທີ 11: ຈັດລຽງຄວາມໝາຍຂອງຮູບພາບ
12. ຟັງຊັນທີ 12: ຈັດລຽງຂັ້ນຕອນ ແລະ ປະໂຫຍກ
13. ຟັງຊັນທີ 13: ຕື່ມຄໍາສັບໃສ່ບ່ອນວ່າງ
14. ຟັງຊັນທີ 14: ອ່ານນິທານ
15. ຟັງຊັນທີ 15: ອ່ານປຶ້ມອ່ານເສີມ
16. ຟັງຊັນທີ 16: ຕາຕະລາງພະຍັນຊະນະ
17. ຟັງຊັນທີ 17: ຕາຕະລາງສະຫຼະ
18. ຟັງຊັນທີ 18: ບົດທົດສອບການຟັງ
19. ຟັງຊັນທີ 19: ສັງລວມຮູບພາບໃນແຕ່ລະບົດ
20. ຟັງຊັນທີ 20: ສັງລວມສຽງໃນແຕ່ລະບົດ
21. ຟັງຊັນທີ 21: ສັງລວມຄໍາສັບໃນແຕ່ລະບົດ
22. ຟັງຊັນທີ 22: ຫັດພິມຄໍາສັບ
23. ຟັງຊັນທີ 23: ຈັບຄູ່ຄໍາສັບຕາມສຽງທີ່ໄດ້ຍິນ
24. ຟັງຊັນທີ 24: ຈັບຄູ່ຮູບພາບຕາມສຽງທີ່ໄດ້ຍິນ
25. ຟັງຊັນທີ 25: ກະດານຂຽນ