ອາສາສະໝັກການມີສ່ວນຮ່ວມຂອງພາກສ່ວນກ່ຽວຂ້ອງ

ປະກາດຮັບສະໝັກ ອາສາສະໝັກ (1 ຕໍາແໜ່ງ)

World Education Laos is dedicated to working through a participatory and multi-disciplinary approach to engage and empower communities, families, and individuals through programs in education, health, mine action, and economic development, that are designed to build capacity, promote self-sufficiency, and increase inclusion of all persons in Lao PDR.

ອົງການ ເວີລດ໌ ເອດຢູເຄຊັນກຳລັງຊອກຫາຄົນລາວ ຜູູ້ທີີ່ມີທັກສະ, ຄວາມສາມາດ ແລະ ມີແຮງຈູງໃຈເພື່ອມາຮ່ວມເຮັດວຽກນຳທີມງານໂຄງການ USAID ໂອກາດ ພວກເຮົາໃນຕຳແໜ່ງ ອາສາສະໝັກການມີສ່ວນຮ່ວມຂອງພາກສ່ວນກ່ຽວຂ້ອງ ປະຈຳຢູ່ພະແນກພັດທະນາຄົນພິການ, ກະຊວງແຮງານ ແລະ ສະຫວັດດີການສັງຄົມ,ນະຄອນ ຫຼວງວຽງຈັນ.

I. ຂໍ້ມູນທົ່ວໄປ:

ຕຳແໜ່ງ: ອາສາສະໜັກ ການມີສ່ວນຮ່ວມຂອງພາກສ່ວນກ່ຽວຂ້ອງ
ບ່ອນປະຈຳການ: ພະແນກພັດທະນາຄົນພິການ, ກະຊວງແຮງານ ແລະ ສະຫວັດດີການສັງຄົມ,ນະຄອນ ຫຼວງວຽງຈັນ.
ລາຍງານຫາ: ທ່ານ ໂຈມແຍງ ແພງທອງສະຫວັດ ຫົວໜ້າກົມ ນະໂຍບາຍຕໍ່ຜູ້ມີຜົນງານ, ພິການ ແລະ ຜູ້ອາຍຸສູງ, ກະຊວງແຮງງານ ແລະ ສະຫວັດດີການສັງຄົມ.

ກົມນະໂຍບາຍຕໍ່ຜູ້ມີຜົນງານ, ພິການ ແລະ ຜູ້ອາຍຸສູງ ແມ່ນກອງເລຂາຄະນະກຳມະການແຫ່ງຊາດ ເພື່ອຄົນພິການ ເປັນສານາທິການໃນການຄົ້ວຄວ້າ ແລະ ສະເໜີແນະດ້ານນະໂຍບາຍ, ລະບຽບການ, ຄຸ້ມຄອງການເຄື່ອນໄຫວຂອງການຈັດຕັ້ງສັງຄົມຂອງຄົນພິການ, ຕິດຕາມ, ກວດກາ ແລະ ລາຍງານການຈັດຕັ້ງປະຕິບັດວຽກງານຄົນພິການ ຢູ່ ສປປ ລາວ ໂດຍສະເພາະກົດໝາຍວ່າດ້ວຍຄົນພິການ, ຍຸດທະສາດແຫ່ງຊາດ ແລະ ແຜນປະຕິບັດງານ ປີ 2021-2030 ລວມທັງການຈັດຕັ້ງປະຕິບັດໂຄງການຮ່ວມມືກັບ ສປຊ ເພື່ອການພັດທະນາ ແລະ ອົງການຈັດຕັ້ງສາກົນທີ່ບໍ່ສັງກັດລັດຖະບານ ເພື່ອປະຕິບັດພັນທະຕໍ່ສົນທິສັນຍາວ່າດ້ວຍສິດທິຂອງຄົນພິການ.

II. ຄວາມຮັບຜິດຊອບລວມ:

ອາສາສະໝັກ ການມີສ່ວນຮ່ວມຂອງພາກສ່ວນກ່ຽວຂ້ອງ ຈະຮັບຜິດຊອບໃນການສະໜັບສະໜູນກິດຈະກຳຕ່າງໆທີ່ຕິດພັນກັບໂຄງການ (ພາຍໃຕ້ວຽກງານ ການມີສ່ວນຮ່ວມຂອງພາກສ່ວນກ່ຽວຂ້ອງ ໃນບົດບັດທຶກຄວາມເຂົ້າໃຈໂຄງການໂອກາດ: ເພື່ອເສີມສ້າງຄວາມເຂັ້ມແຂງດ້ານການພັດທະນາແບບມີສ່ວນຮ່ວມຂອງຄົນພິການ). ມີສ່ວນຮ່ວມໃນການປະສານງານຮ່ວມກັບພາກສ່ວນກ່ຽວຂ້ອງ, ອົງການຈັດຕັ້ງ, ຕິດຕາມ, ປະເມີນການຈັດຕັ້ງປິຕິບັດກິດຈະກຳ, ພ້ອມດ່ຽວກັນນັ້ນຍັງຈະໄດ້ເປັນຜູ້ກະກຽມກອງປະຊຸມດ້ານວິຊາການ ແລະ ບົດລາຍງານການຈັດຕັ້ງປະຕິບັດກິດຈະກຳໃນແຕ່ລະໄລຍະ.
ອາສາສາໝັກ ການມີສ່ວນຮ່ວມຂອງພາກສ່ວນກ່ຽວຂ້ອງຈະຢູ່ພາຍໃນການຊີ້ນຳຂອງຫົວໜ້າພະແນກພັດທະນາຄົນພິການ ກົມນະໂຍບາຍຕໍ່ຜູ້ມີຜົນງານ, ພິການ ແລະ ຜູ້ອາຍຸສູງ, ກະຊວງແຮງງານ ແລະ ສະຫວັດດີການສັງຄົມ.

III. ໜ້າທີ່ຮັບຜິດຊອບຫຼັກ:

ເພື່ອເຮັດໃຫ້ວຽກງານການມີສ່ວນຮ່ວມຂອງພາກສ່ວນກ່ຽວຂ້ອງ ແລະ ກິດຈະກຳອືນໆທີພົວພັນກັບການຈັດຕັ້ງປະຕິບັດໃຫສອດຄ່ອງ ແລະ ເໜາະສົມກັບໄລຍະເວລາ, ອາສາສະໝັກວຽກງານການມີສ່ວນຮ່ວມຂອງພາກສ່ວນກ່ຽວຂ້ອງຈະມີໜ້າທີ່ຮັບຜິດຊອບດັ່ງນີ້:

1. ຊ່ວຍໃນການປະສານງານໂຄງການໃນການພົວພັນກັບບັນດາກົມຕ່າງໆ ທີ່ຢູ່ພາຍໃນກະຊວງແຮງງານ ແລະ ສະຫວັດດີການສັງຄົມ, ກະຊວງທີ່ກ່ຽວຂ້ອງ, ຜູ້ປະສານງານໂຄງການ, ອົງການຈັດຕັ້ງສັງກົນທີ່ບໍ່ສັງກັດລັດຖະບານ ແລະ ອົງການຈັດຕັ້ງທາງສັງຄົມ ເພື່ອໃຫ້ການະສະໜັບສະໜູນວຽກງານຄົນພິການຢູ່ ສປປ ລາວ ເຊັ່ນວ່າ: ອົງການ ເວີລດ໌ເອດຢູເຄຊັນ ປະຈຳ ສປປລາວ, ສະມາຄົມປັບປຸງຄຸນນະພາບຊິວິດ (QLA), ສະມາຄົມ ເພື່ອການສະໜັບສະໜູນ ແລະ ປັບປຸງຊົນນະບົດ (ARMI).
2. ໃຫ້ການສະໜັບສະໜູນອົງການຈັດຕັ້ງ ແລະ ການຈັດຊື້ຈັດຈ້າງ, ຂໍ້ມູນທີ່ກ່ຽວຂ້ອງກັບກົດໝາຍວ່າດ້ວຍຄົນພິການ (ກົດໝາຍວ່າດ້ວຍຄົນພິການ, ຍຸດທະສາດແຫ່ງຊາດ, ແຜນປະຕິບັດງານ ແລະ ສົນທິສັນຍາວ່າດ້ວຍຄົນພິການ) ທັງສອງພາກສ່ວນພາຍໃນ ແລະ ຕ່າງປະເທດ.
3. ໃຫ້ການສະໜັບສະໜູນສຳລັບການວາງແຜນ, ການຈັດກອງປະຊຸມຂອງວຽກງານການມີສ່ວນຮ່ວມຂອງພາກສ່ວນກ່ຽວຂ້ອງທຸກໆກອງປະຊຸມ-ກຳນົດພາກສ່ວນເຂົ້າຮ່ວມ, ຮ່າງວາລະກອງປະຊຸມ ແລະ ໜັງສືແຈ້ງເຊີນ, ບົດສະເໜີໂຄງການ, ໜັງສືສະເໜີຂໍຈັດກອງປະຊຸມ, ບົດລາຍງານ, ບົດບັນທຶກກອງປະຊຸມ, ບົດຂ່າວ ແລະ ຮ່າງແບບຟອມລົງທະບຽນ.
4. ຕິດຕາມພາກສ່ວນເຂົ້າຮ່ວມກອງປະຊຸມ, ປະສານງານກ່ຽວກັບສະຖານທີ່ປະຊຸມ,ປະສານງານກັບນັກຂ່າວ, ລົດເຊົ່າ, ສະໜັບສະໜູນການລົງທະບຽນສໍາລັບຈັດກອງປະຊຸມ, ປິ່ນເອກະສານ, ຄູ່ມື, ເອກະສານທີ່ກ່ຽວຂ້ອງ, ກະກຽມ LCD ແລະ ອາຫານຫວ່າງສຳລັບຫ້ອງປະຊຸມ, ຖ້າຈຳເປັນ.
5. ສະໜັບສະໜູນໃນການປະສານງານກັບ ຈຸດປະສານງານອາຊຽນເພືອເອົາຂໍ້ມູນ ແລະ ລາຍງານການຈັດຕັ້ງປະຕິບັດແຜນແມ່ບົດອາຊຽນໃຫ້ແກ່ຜູ້ຮັບຜິດຊອບແຜນງານອາຊຽນໃນການເຊື່ອມສານວຽກງານຄົນພິ ການ ແລະ ສົນທະນາກັບພາກສ່ວນກ່ຽວຂ້ອງໃນການຈັດກອງປະຊຸມ
6. ປະສານງານກັບພາກສ່ວນກ່ຽວຂ້ອງ ແລະ ໃຫການສະໜັບສະໜູນອົງການຈັດຕັ້ງໃນການຈັດກອງປະຊຸມປຶກສາຫາລືເພື່ອເອກະພາບກ່ຽວກັບເນື້ອໃນຂອງບົດລາຍງານ ແລະ ຮ່າງແຜນການຈັດຕັ້ງປະຕິບັດແຜນແມ່ບົດອາຊຽນ.
7. ໃຫ້ການສະໜັບສະໜູນກ່ຽວກັບການຂື້ນແຜນງົບປະມານຈັດກອງປະຊຸມ ແລະ ພັດທະນາຖານຂໍ້ມູນຄົນພິການ, ຄົ້ນຄວ້າ ແລະ ໃຫ້ການຊ່ວຍເຫລືອໃນການອອກແບບບັດຂອງຄົນພິການ.
8. ກະກຽມແຜນຂໍອຸປະກອນຮັບໃຊ້ຫ້ອງການໄລຍະ 2 ເດືອນ ແລ້ວສົ່ງໃຫ້ອົງການ WE ພາຍໃນບົດບັນທຶກຄວາມເຂົ້າໃຈຂອງໂຄງການ ໂອກາດ.
9. ໃຫ້ການສະໜັບສະໜູນໃນການວາງແຜນຂອງ ຄະນະກຳມະການຄຸ້ມຄອງການຈັດຕັ້ງປະຕິບັດໂຄງການໃນທຸກຂັ້ນເພື່ອຕິດຕາມ ແລະ ປະເມີນການຈັດຕັ້ງປະຕິບັດກິດຈະກຳປະຈຳໄຕມາດ, 6 ເດືອນ, ປີ, ໄລຍະກາງ ແລະ ປິດທ້າຍໂຄງການ.
10. ຮັບຜິດຊອບວຽກອືນໆທີ່ຈຳເປັນ

IV. ເງື່ອນໄຂຂອງຜູ້ສະໜັກ:
● ເປັນຄົນສັນຊາດລາວ
● ຈົບການສຶກສາລະດັບປະລິນຍາສາຂາ ການພັດທະນາສັງຄົມ, ຊຸມຊົນ ຫຼື ກ່ຽວຂ້ອງກັບວຽກງານພາກສະ ໝາມ
● ສາມາດນຳໃຊ້ຄອມພີວເຕີໄດ້ຂັ້ນພື້ນຖານ (Word, Excel, PowerPoint)
● ສາມາດສື່ສານພາສາອັງກິດໄດ້ຂັ້ນພື້ນຖານ
● ສາມາດເຮັດວຽກຮ່ວມກັບຊຸມຊົນໄດ້ ແລະ ສາມາດເດີນທາງໄປເຂດຫ່າງໄກສອກຫຼີກໄດ້
● ມີປະສົບການ ຫຼື ຄວາມຮູ້/ເຮັດວຽກການພັດທະນາຄົນພິການແບບມີສ່ວນຮ່ວມ
● ສົ່ງເສີມໃຫ້ເພດຍິງສະໝັກ
● ສົ່ງເສີມໃຫ້ຄົນທີມີຄວາມເປັນພິການສະໝັກ